Shpesh ankohemi se kemi internet të dobët, por a e dini se sa i rëndësishëm është vendi ku keni lënë ruterin e wireless-it?
Kështu, nëse doni të rrisni fuqinë e sinjalit të WiFi, duhet të gjeni një vend të përshtatshëm për shpërndarjen sa më mirë të tij.
Nëse jetoni në një shtëpi dykatëshe, sugjerohet ta vendosni ruterin në katin e dytë, pasi ofron më shumë shtrirje të sinjalit të WiFi-së.
Antenat e pajisjes funksionojnë si “çadrat”, sa më lart që i drejtoni ato, aq më shumë sinjal do të lëshojnë.
Ndërkohë, kini parasysh se dyshemetë e ngadalësojnë sinjalin, prandaj mos e lini ruterin në dysheme.
Po ashtu, dyert dhe muret janë penguese për sinjalin, prandaj bëni mirë ta vini ruterin në qendër të shtëpisë.
Madje, nëse ruteri është në një dhomë me derë të mbyllur, hapeni atë, për ta bërë një pengesë më pak.
