Krimet e Rënda kanë kërkuar ndalimin e 5 personave, pjesëtarë të ICTS (kompania e sigurisë në Aeroport) dhe bankave, pasi kanë dyshime për “shpërdorim detyre”.
Mësohet se 5 punonjësit kanë dhënë dëshmi kontradiktore, gjë që ka shtuar dyshimet e hetuesve se ata kanë ndihmuar grupin e grabitësve me informacione mbi transportin e parave dhe lëvizjen e punonjësve të sigurisë në Aeroport.
Deri më tani anë arrestuar disa persona, të cilët janë Ragip Hajdini, Alkond Bengasi, Oltjan Veseli, Saimri Cela, Renaldo Sula dhe Elton Pikli. Në kërkim janë vëllezërit Klement dhe Eldi Çala, Talo Çela, Aleks Pepa dhe dy ish efektivë policie, një mashkull dhe një grua.
Alkond Bengasi ka pranuar të bashkëpunojë me drejtësinë, pasi ka pranuar po ashtu se ka modifikuar furgonët, ndërsa Ragip Hajdini ka mohuar dje të ketë pasur lidhje me grabitjen.
