Trajneri i Egnatias dha mendimin e tij para ndeshjes së kupës ndaj Partizanit.
“Janë shumë pak orë, por kjo është për të katërta ekipet që luajnë në gjysmëfinalen e Kupës. Grupa ka qenë në gjendje të mirë, nuk kemi pasur dëmtime, thjesht lëndime të lehta. Përveç Malotës dhe Ndrecës, pjesa tjetër e grupit është e plotë.
Për çdo trajner, meraku më i madh është kalimi i turit. Mendoj që të marr nga skuadra sinjale pozitive dhe ta përfaqësojmë denjësisht mbrojtjen e trofeut.
Jemi katër skuadrat që udhëheqim edhe kampionati. Kandidatët kryesorë për Final Four. Nuk kam ndonjë skuadër të preferuar, fokusi është te ndeshja nesër.
Kam theksuar gjithmonë që objektivi ynë i vetëm është ndeshja e radhës. Dhe do të shikohet edhe nesër, çdo gjë pastaj hap pas hapi.
Po të isha në moment tjetër, ta kisha grupin e plotë nga janari mund të kisha ruajtur titullarët, por mendoj që grupi ka qenë i çalë sepse kemi pasur dëmtime, shumë kartona.
Është kompeticion tjetër, kemi luajtur për kampionat, kjo është ndeshje Kupe. Nuk është se maten golat apo peshorja, këtu është në lojë vetëm rezultati”, u shpreh Tetova.
