Mbyllet pjesa e parë e sfidës së tretë të Kombëtares Shqiptare në grupin H eliminator të Euro 2020, ku përballë ka Islandën dhe po luhet në Rejkjavik. Kjo e fundit ka shënuar gol në minutën e ’22 duke kaluar kështu në avantazh.
Goli u realizua nga Gudmundson, i cili ka përfituar nga mosreagimi i mbrojtjes kuqezi dhe pasi dribloi 3 lojtarë, mposhti Berishën në portën e tij.
Kujtojmë se kjo është ndeshja e parë nën drejtimin e trajnerit Edi Reja, pasi në takimin ndaj Turqisë kombëtarja ka pasur Kristian Panuçin dhe në sfidën e dytë ndaj Andorrës dyshen Bulku-Mema.
Shqipëria aktualisht ka 3 pikë në grup pas dy ndeshjesh dhe mban vendin e tretë, ndërsa sot ndaj Islandës, do të kërkojë suksesin e dytë në transfertë pas fitores 3-0 në Andorrë.
