Në “Olimpico” do të luhet gjysmëfinalja e dytë mes Romës e Liverpoolit nga ku do të dalë edhe skuadra e dytë finaliste Skuadra e “The Reds” vjen me avantazhin e fitores 5-2 të arritur në “Anfield”, por përballë do të ketë një Romë që do të ketë mbështetjen e 70 mijë tifozëve për të përsëritur mrekullinë që bëri ndaj Barcelonës, Trajneri Di Francesco tha që skuadra e tij e do këtë përmbysje të rezultatit, por shtoi se lojtarët e tij duhet të tregojnë kujdes pasi Liverpooli ndryshon nga Barcelona.
Për më tepër, Roma do të kërkojë hakmarrjen ndaj “The Reds” për finalen e humbur me penalti në vitin 1984. Ndërsa Liverpooli kërkon të kthehet në një finale të Ligës së Kampioneve pas 11 viteve për të tentuar titullin e 6 kontinental.
Por ekipit të Romës i është dërguar një mesazh fatsjellës nga tifoja seksi. Ylli viral i Instagram, Bragato, publikoi një foto me fanellën e Romës. Ajo ka mbajtur veshur fanellën e sulmuesit Edin Dzeko, 32 vjeç.
Bragato i tha për Daily Star Online se: “Lojtari im i preferuar është Juan Jesus. Unë e njoh atë, ata janë të gjithë njerëz të mrekullueshëm. Unë shpresoj se ata do të fitojnë. Liverpooli është një ekip i shkëlqyeshëm, por belfija ime do të sjellë fat”.
