Xhamia e premtuar e Athinës pritet të jetë gati për seancat e lutjeve prillin e ardhshëm. Objekti fetar do të ndërtohet në afërsi të kopshtit botanik, një sipërfaqe toke që më parë ka qenë parking makinash.
Duke folur për gazetën “Free Press”, Sekretari i Përgjithshëm i Religjioneve Fetare, George Kalantzis, tha se imami që do të predikojë të premteve është zgjedhur nga bordi i anëtarëve të emëruar nga ministria e Arsimit.
“Xhamia do të jetë në dispozicion të komuniteteve myslimane çdo të hënë dhe të mërkurë. Vetëm ata që kanë një leje legjitime për të praktikuar lutjet fetare në Atikë ose janë subjekte juridike fetare muslimane të njohura sipas Ligjit 4301/2014 do të kenë të drejtë të aplikojnë për të frekuentuar xhaminë”, tha Kalantzias.
Ai theksoi se predikimi mund të bëhet vetëm në gjuhën greke ose i kombinuar në gjuhën angleze: “Ajo që ne jemi të interesuar është që predikimi – lutjet janë bërë edhe në arabisht, gjithsesi – të bëhet në greqisht ose i kombinuar me anglishten, d.m.th., në gjuhën e kohës”.
Xhamia islame do të operojë të gjitha orët dhe ditët, gjysmë ore para dhe gjysmë ore pas namazit, ndërsa gjatë Ramazanit e festave të tjera do të jetë e hapur 24 orë në ditë. Protothema.gr.
Përktheu dhe përshtati TIRANA TODAY
