Ka ndërruar jetë i riu Edmir Nilaj, i cili prej 4 muajsh ndodhej i shtruar në spitalin e Traumës në Tiranë. 21-vjeçari nga Malësia e Madhe, ishte i shtruar në spital që prej datës 3 shtator që lamë pas, pasi kishte mbetur i plagosur. Autori i ngjarjes është Admir Dekovi, i cili e qëlloi të rin me një plumb në kokë. Kujtojmë se Dekovi, më parë ka qenë në detyre si efektiv i forcave komando, nuk është arrestuar ende, dhe vijon të jetë i lirë në arrati.
Ngjarja ka ndodfhur në orët e para të 3 Shtatorit, kur i riu Edmir Nilaj ndodhej në një lokal me muzikë në Beltojë të Shkodrës, dhe shoqërohej nga disa miq të tij.Sipas autoriteteve një telefon i humbur, ishte bët shkak i një sherri tragjik. Konflikti kishte nisur brenda lokalit me disa persona të ulur në tavolinën ngjitur. Por zënka nuk u ndal aty dhe vijoi edhe jashtë ambienteve të lokalit, shkruan tvklan.
Pikësish ky ka qenë dhe momenti ku, 35-vjeçari Dekovi, i cili punonte si truprojë në lokalin e natës ndërhyri duke e goditur fillimisht të riun me qytën e armës, e më pas me një plumb në kokë.
E që prej asaj dite i riu Nikaj, ndodhej i shtruar në spital, ku fatkeqësisht nuk ka mundur t’u shpëtojë plagëve të marra dhe ka ndërruar jetë. E ndërsa policinë atë kohë shoqëroi disa persona, autori i ngjarjes arriti të ikë.Ndërsa 4 të arrestuarit përpara policisë, kanë deklaruan se debati kishte nisur pasi Nilaj i kishte akuzuar se i kishin marrë celularin, ndërkohë që sipas tyre kjo nuk ishte e vërtetë.
“Ne i thamë se nuk kemi asnjë ide për celularin dhe më pas dolëm jashtë për t’u sqaruar. Në tavolinën tonë erdhi edhe truproja i lokalit. Vetëm kaq mbajmë mend sepse kemi qenë në gjendje të dehur. Jashtë ka qenë shumë errësirë dhe nuk mbajmë mend me saktësi se çfarë ka ndodhur. Më pas kemi mësuar se Edmir Nilaj është plagosur rëndë”, deklaruan në atë kohë të arrestuarit. TIRANA TODAY
