Ka ndërruar jetë në spital 38-vjeçari maroken, i cili ishte plagosur rëndë me armë zjarri katër muaj më parë në Itali, pas një konflikti të raportuar me dy vëllezër shqiptarë.
Sipas mediave italiane, viktima ishte qëlluar me dy plumba në kokë gjatë përplasjes dhe që prej asaj kohe ndodhej i shtruar në spital në gjendje kritike.
Mjekët kishin deklaruar se predhat kishin depërtuar shumë thellë në kokë, duke e bërë të pamundur ndërhyrjen kirurgjikale për heqjen e tyre.
Pas disa muajsh në luftë për jetën, 38-vjeçari nuk arriti t’u mbijetojë plagëve të rënda dhe ndërroi jetë në spital.
Autoritetet italiane vijojnë hetimet për zbardhjen e plotë të rrethanave të ngjarjes dhe përgjegjësive penale të personave të përfshirë.
