Një lajm i trishtë për botën e futbollit. Legjenda e Argjentinës, Diego Maradona ka ndërruar jetë në moshën 60-vjeçare.
Pak ditë më parë, ai i’u nënshtrua një operacioni në kokë, pasi kishte mpiksje gjaku në tru.
Mësohet se Maradona po merrte veten pas ndërhyrjes kirurgjikale, por shëndeti i tij është përkeqësuar.
Ai ka pësuar arrest kardiak në shtëpinë e tij dhe pavarësisht përpjekjes së mjekëve për ta shpëtuar, nuk ia doli dot mbanë.
Argjentinasi është padyshim një ndër më të mirët e historisë së futbollit, por ka pasur shumë probleme me jetën e tij të shthurur.
Jeta dhe karriera e tij
Diego Maradona u lind në Lanus të Buenos Aires, në një familje të varfër si djali i vetëm pas katër motrave. U rrit profesionalisht në Argjentinë tek Argentina Juniors dhe më pas bëri kalimin tek Boca Juniors, aty ku tifozët e shohin si ‘Zot’.
Më pas në vitin e largët 1982, Maradona kaloi tek Barcelona, Napoli, Sevilla dhe për t’u rikthyer më pas për ta mbyllur sërish tek ekipi i zemrës, Boca Juniors.
Ai fitoi Kupën e Botës me kombëtaren në vitin 1982, ku mposhtën Gjermaninë me rezultatin 3-2.
Gjithashtu, ai shkëlqeu në arenën ndërkombëtare me Argjentinën që e drejtoi edhe si trajner.
Së fundmi, ai ishte trajner i Gimnasia de la Plata, ekipi i fundit me të cilin do të kishte të bënte. ”Djaloshi i artë” nuk do të jetë më mes futbolldashësve duke lënë një thesar të paçmuar në fushë dhe përtej. Shumë e konsiderojnë si futbollisti më i mirë i të gjitha kohërave, teksa vetë ai si pasardhës të tij e konsideronte Lionel Messi-n.
