Futbollisti japonez, Masato Kudo, 32-vjeç, ka ndërruar jetë pas një ndërhyrje kirurgjikale, pasi ishte diagnostikuar me një sëmundje të rëndë në tru. Kudo ka qenë aktivizuar dhe me kombëtaren aziatike në 4 ndeshje, teksa ka shënuar dhe 2 gola.
Eksperienca e tij e fundit ishte me klubin Tegevajaro Mijazaki, e cila militonte në kategorinë e tretë japoneze. Ai gjithashtu ka mbajtur veshur edhe fanellat e Brisbejn Roar në Australi dhe të Vankuverit në MLS-në Amerikane.
Masato Kudo fitoi kampionatin në Japoni në vitin 2011. Fitoi 1 kampionat në Ligën e Dytë japoneze në sezonin 2009/2010, 1 Kupë të Japonisë, 1 kampionat në ligën e lindjes në Japoni dhe 1 Kupë të Ligës në Japoni.
