Një 58-vjeçar nga Elbasani është kafshuar nga një qen dhe ka ndërruar jetë pak pas mesnate. Burime të besueshme raportuan se 58-vjeçari, banues në lagjen “5 Maji”, pak ditë më parë është sulmuar nga një “Pitbull”.
Ka ndërruar jetë 58-vjeçari nga Elbasani, pasi u kafshuar nga një “Pitbull”. 58-vjeçari Rifat Bajrami, I cili u sulmua nga qen vetëm pak ditë më parë ka ndërruar jetë para pak mesnate.
Plagët e shumta që i janë shkaktuar në trup nga dhëmbët e qenit vrasës kanë bërë që Bajrami të humbë jetën.
Fillimisht 58-vjeçari ka shkuar me urgjencë në spital, ku pavarësisht ndihmës së ofruar nga mjekët ai nuk mundi te mbijetojë dot duke ndërruar jete.
Ky është rasti i dytë me pasoja në bashkinë e Elbasanit, pasi më herët një grua ndërsa po dërgonte mbesën në shkollë u sulmua nga qentë e rrugës në hyrje të shkollës së Paprrit.
Ndërkohë sikur të mos mjaftojnë incidentet e shpeshta pothuajse çdo ditë shikon rrugëve të qytetit të Elbasanit me dhjetëra të rinj e të reja, madje jo rrallë edhe fëmijë me qen të mëdhenj dhe të racave te rrezikshme qe nuk marrin mundimin ti vendosin kafshës maska për sigurinë e të tjerëve
Por edhe pse qentë e racave kanë krijuar incidente askush nuk ka marrë masa të mirëfillta për të evituar një problematikë të tillë.
