Hetimet ndaj ndërhyrjes së Rusisë në zgjedhjet e Shteteve të Bashkuara të Amerikës kanë hyrë në një fazë të ngushtë. Pas sanksioneve të SHBA-së të vëna ndaj shtetit rus, duket se hetuesit amerikanë kërkojnë kontrollin e organizatave të Trumpit dhe lidhjet e mundshme me Rusinë-shkruan Tirana Today.
Ngritja e Këshillit të posaçëm të hetimeve me në krye, Robert S. Mueller III, ka thirrur Organizatën Trump për të dorëzuar dokumente, përfshirë ato që mund të kenë lidhje me Rusinë. Kjo është raportuar nga dy persona të cilët janë specialistë të fushës.
Urdhri është hapi parë i hedhur nga hetuesi, i cili kërkoi dokumente që lidhen drejtpërdrejt me bizneset e presidentit Trump, duke çuar hetimet në rrethin e ngushtë të Presidentit Trump. “Në thirrjen e dorëzuar në javët e fundit, zoti Mueller urdhëroi Organizatën Trump të dorëzojë të gjitha dokumentet që lidhen me Rusinë dhe tema të tjera që ai po heton”-citohen burime.-shkruan Tirana Today.
Hetimet e nisura
Hetimet për këtë çështje do zgjaten për disa kohë, ndërsa në vijim pritet të dalin me një rezultat konkret. Kjo strategji vjen pasi zoti Mueller duket se po zgjeron hetimin e tij për të shqyrtuar rolin që paratë e huaja mund të kenë luajtur rol në financimin e aktiviteteve politike të Trumpit. Në javët e fundit, hetuesit kanë marrë në pyetje dëshmitarët, duke përfshirë një këshilltar të Emirateve të Bashkuara Arabe, lidhur me rrjedhën e mundshme të parave.
Alan S. Futerfas, avokati që përfaqëson Organizatën Trump, menjëherë iu përgjigj kërkesave për të komentuar shqetësimet e ngritura.Organizata Trump zakonisht ka përmbushur kërkesat e hetuesve të kongresit për dokumente për hetimet e tyre në ndërhyrjen e zgjedhjeve ruse, ndërsa e nde nuk ka patur asnjë shenjë provë që mund të ketë lidhje me ndërhyrjes ruse në zgjedhjet e SHBA.
Dyshime se Trump ka pasuri të patundshme në Rusi
Organizata Trump ka deklaruar se asnjëherë nuk ka patur prona të patundshme në Rusi, por dëshmitarët e intervistuar kohët e fundit nga Mueller janë pyetur për një marrëveshje të mundshme për pasuri të patundshme në Moskë. Në vitin 2015, një bashkëpunëtor afarist i Trump i dërgoi një e-mail avokatit të Trumpin, Michael Cohen në llogarinë e organizatës së tij Trump duke pretenduar se kishte lidhje me presidentin Vladimir Putin. Mendohej se ndërtimi i një kulle të Trumpit në Moskë do të ndihmonte presidentin aktual gjatë kohës së fushatës elektorale.
Mueller po shkon drejt vijës së kuqe, por presidenti e ka paralajmëruar të bëjë kujdes d he mos ta kalojë. Por në një intervistë për NYT, Trump u pyet në lidhje me atë se nëse Mueller e ka kaluar këtë vijë, por Trumpi nuk dha një përgjigje të prerë. Hetuesi Mueller u caktua në maj për të hetuar nëse fushata e zotit Trump bashkëpunoi me rusët për të ndikuar në zgjedhjet presidenciale të 2016 dhe për çdo çështje tjetër që mund të dalin nga hetimi.
Negociatat mes avokatëve dhe hetuesve
Avokatët e Trump janë në negociata me zyrën e z. Mueller për lejuar hetuesit të intervistojnë presidentin. Zyra e Mueller ka ndarë tema që ata duan të diskutojnë me presidentin, sipas dy njerëzve të njohur me bisedimet. Avokatët e kanë këshilluar Trump të refuzojë një intervistë, por presidenti dëshiron ta bëjë këtë, pasi ai beson se nuk ka bërë asgjë të gabuar dhe mund t’i përgjigjet lehtë pyetjeve të hetuesve.
Trump po “kërkon”avokat të ri
Presidenti amerikan, Donald Trump po shqyrton mundësinë e kontaktit për ndonjë avokati të ri, pasi mund të japë edhe më shumë ndihmë në çështjet e ngritura. Për këtë mendohet të jetë avokati i ish-presidentit Bill Klinton, Emmet Flood. TIRANA TODAY
