Presidenti Bajram Begaj ka shprehur ngushëllimet e tij për ndarjen nga jeta të gazetares Rudina Dervishi.
Ai shkruan se kjo ndarje ishte e parakohshme për gazetaren e cila gjatë 25 viteve të karrierës së saj u shndërrua në një figurë shumë të dashur për shqiptarët anembanë botës.
“Me keqardhje mësova për ndarjen e parakohshme nga jeta të gazetares së seksionit shqip të ‘Zëri i Amerikës’, znj. Rudina Dervishi.
Gjatë 25 viteve të karrierës së saj në këtë medium, ajo u shndërrua në një figurë të dashur për shqiptarët anembanë botës.
I shpreh ngushëllimet më të thella familjes së saj, bashkëpunëtorëve dhe miqve të shumtë që ajo fitoi me zërin e saj të ngrohtë si gazetare dhe drejtuese e emisionit ‘Ditari’,-shkruan presidenti Begaj.
