Pas eliminimit nga Botërori në mënyrë skandaloze, Gjermanie joachim Low u rikthte duke ndalur kampionët e botës, Francën. Një barazim 0-0 ku u panë shumë gjëra pozitive, por edhe disa gabime e lojtarë jo shumë në formë. Mesfusha ishte e mirë me Toni Kroos, por i mungonte fantazia, mungonte pikërish një lojtarë si Mesut Ozil për të dhënë pasën finale. Por për teknikun e panzerave kjo nuk është alarmante, pasi do përmirësohen gradualisht.
Gazetarët e pyesin edhe për temën e Ozilit, për të cilin Low bën apelin e radhës: “Do të doja edhe unë ta dija përse nuk kemi mundur dot të komunikojmë deri më sot. Natyrisht që në aspektin personal jam i zhgënjyer. Kemi përshkuar një rrugë shumëvjeçare së bashku. Do ta provoj edhe një herë të marr iniciativën për të folur me të”.
“Ndeshja luhej në rrethana shumë të veçanta. Mënyra sesi do të sillej skuadra në fushë ishte shumë e rëndësishme. Një gjë të tillë skuadra e bëri shumë mirë. Që ne patëm shumë zotërim topi, kjo ishte e dukshme. Francezët nuk sulmuan shumë lart. Por ishte shumë e rëndësishme që ne të tregoheshim kompaktë në mbrojtje dhe të mos u lejonim atyre shansin për të na kundërsulmuar”, tha trajneri i kombëtares gjermane.
“Kur francezët e fitojnë topin në hapësira ata janë jashtëzakonisht të rrezikshëm. Ne e penguam diçka të tillë. Tema jonë më e rëndësishme e diskutimit këto tri ditët e fundit ka qenë mbrojta. Dhe ky është një themel shumë i mirë. Të gjithë lojtarët ishin në lartësinë e duhur dhe shkuan deri në kufijtë që mund të arrish në këtë fazë fillim sezoni”, shtoi 58-vjeçari. Megjithatë, ai mohon se zhgënjimi i Botërorit të harrohet me një ndeshje.
“Do të ishte naive po ta besonim se Botërori do të harrohej me një ndeshje. Por në fund ne mund të rehabilitohemi për turneun e ardhshëm. Do të jetë një proces. Gradualisht duhet të përmirësohemi. Por në pjesën e dytë kishte disa situa ta ku ne ishim plotësisht atje ku duhet të ishim. Ndaj Francës ishte e rëndësishme që lojtarët me më shumë përvojë të ishin në fushë. Toni Kros, Mats Humels, Zherom Boateng apo edhe Manuel Nojer gjithashtu treguan klasin e tyre”.
