Këngëtari i njohur i muzikës rock në Francë, Johnny Hallyday, ka humbur “luftën” me kancerin, duke ndërruar jetë në moshën 74-vjeçare.
Lajmin për vdekjen e Hallyday e dha vetë presidenti i Francës, Emmanuel Macron sot herët në mëngjes.
Johnny lindi në Paris më 15 qershor të vitit 1943, e ëma ishte franceze, ndërsa i ati ishte nga Belgjika.
Hallyday ka shitur më tepër se 100 milionë albume dhe ka mbajtur më se 50 turne madhore, prej vitit 1960, kur e kishte koncertin e tij të parë profesional, ndërsa ishte frymëzuar nga këngëtari Elvis Presley.
Macron tha gjatë njoftimit të tij, se Johnny Hallyday “ka sjellë një pjesë të Amerikës në panteonin tonë kombëtar”, tha presidenti Macron.
