Një lajm i trishtë vjen nga një rast që bëri bashkë shumë shqiptarë dhe mblodhi në pak ditë gjithë solidaritetin e mundshëm me 19-vjeçarin Fatlind Buçaj.
Që nga 18 shtatori rrjetet sociale u mbushëm me thirrjen e motrës së Fatlindit, ku apelonte për ndihmë pasi i vëllai ndodhej në gjendje të rëndë shëndetësore si shkak i një tumori agresiv në kokë.
Rasti u bë mediatik dhe me 21 shtator, ku u mblodh shuma e nevojshme që i riu nga Tropoja të transportohej për kurim në Turqi me shpresën se do shërohej.
Por, natën e mbrëmshme Sara Buçaj, motra e Fatlindit dha lajmin e hidhur se i vëllai kishte ndërruar jetë 3 orë para se të mbushte 20 vjeç.
Krahas një fotoje, Sara shkruan:
Me duart që m’dridhen e zemrën e thyer ju njoftoj që Fatlind Buçaj na la.
Edhe 3 ore pritshim të bëje 20 vjeç por tashi në vend të ditëlindjes do festojmë përvjetorin e vdekjes! S’i them Zotit më forco sepse s’do ja arrije dot përderisa nuk ma la afër vetes at’ dritë sysh…
Ti jeton akoma për mua, nuk ke vdek jo o jeta motrës!”
