Ndërron jetë në moshën 35-vjeçare, bashkëshortja e ish-deputetit Mark Frroku. Daklea Frroku, nënë e tre fëmijëve vuante nga një sëmundje e rëndë e cila i mori jetën.
Prej dy javësh ish-deputeti Mark Frroku e bashkëshortja e tij ishin kthyer në Shqipëri, pas një kurimi në Shtetet e Bashkuara, pasi mjekët nuk i dhanë më shpresa jete, raporton BW.
Ish-deputeti Mark Frroku fitoi lirinë nga Gjykata e Fierit, në maj të këtij viti me argumentin se bashkëshortja e tij ishte e sëmurë rëndë, dhe ai duhej të kujdesej për fëmijët. Ndër të tjera lirimi i parakohshëm u argumentua nga gjyqtarët me sjelljen e mirë, por edhe sepse ai e ka vuajtur pjesën më të madhe të dënimit në paraburgim.
