Real Madrid ka konfirmuar vdekjen e një prej drejtorëve të klubit, Luis Heras Aguado. Ai ishte një prej drejtorëve të bordit që nga viti 2000 në klubin mbretëror. Presidenti i Real Madridit, Florentino Perez e përshkroi Aguadon si “mikun e tij më të mirë”.
“Angel Luis Heras Aguado ishte pjesë kyçe e bordit të drejtorëve që nga viti 2000. Ai ishte anëtar i Real Madridit për 62 vjet dhe është shembull i përkushtimit dhe besnikërisë në klub.
Përkushtimi i tij dhe puna e madhe përgjatë viteve na ndihmuan që të mbajmë klubin në nivele të larta dhe ta bëjmë atë që është sot, një brend në botën e sportit.
Vdekja e tij është një humbje e madhe për Real Madridin dhe të gjithë që janë të lidhur me klubin. Unë kam humbur shokun tim më të mirë”, shkruhet në një komunikatë emër të presidentit Perez.
Real Madridi rikthehet në aksion sonte ku do të kërkojë Kupën e Botës për Klube ndaj skuadrës Al Ain.
