Në muajin e shenjtë të Ramazanit, dallon një natë, e cila quhet Nata e Kadrit ku agjërimi konsiderohet i vlefshëm sa 1.000 muaj. Ajo është një nga netët më të bekuara, por përse është e tillë për besimtarët muslimanë dhe jo vetëm?
Nata e Kadrit shënon zbritjen e librit të shenjtë në tokë, Kuranit si dhe në këtë natë përcaktohet fati dhe jeta e njeriut gjatë një viti.
U quajt “Kadr” sepse kjo është një natë e lartë tek i Madhi Zot dhe se në të falen gjynahet më së shumti dhe mbulohen të këqijat. Dijetarët islamë e quajtën “festë ndër më të respektuarat, natë e paqes, e mirësisë së përgjithshme, e shpërblimit të pashembullt”.
Në shpjegimin e bërë në librin e shenjtë, shkruhet se në natën e Kadrit zbresin engjëjt dhe shpirti për secilën çështje.
Në fakt, në Kuran nuk përmendet ndonjë datë konkrete për natën e Kadrit, por dihet se ajo është në dhjetë ditshin e fundit të Ramazanit.
Njëra prej madhështive të kësaj nate është edhe hapja e dyerve të qiejve për të pranuar lutjet e atyre që i drejtohen Zotit të tyre që t’u zgjidhur hallet, për t’u larguar vështirësitë dhe për t’u sjellë gëzim.
Përgjithësisht nata e Kadrit dallon nga disa shenja, si: dielli i ditës që pason natën e Kadrit lind pa rreze, ose është i kuq dhe ka ndriçim të zbehtë.
Një shenjë tjetër është shiu i lehtë që mund të bjerë natën e Kadrit, era dhe se ajo natë, është e hapur, as e nxehtë dhe as e ftohtë.
Megjithatë, këto shenja nuk janë 100% të sakta, pasi ato varen nga vendi dhe stina.
