Naser Aliji bashkohet me ekipin italian

Lojtari i kombëtares shqiptare, Naser Aliji kishte që nga vera e 2017-ës pa ekip, që nga momenti që u shkëput nga Kaiserslauteni. Aliji është zyrtarizuar tek klubi i tij më i ri, pasi qëndroi si futbollist i lirë për disa muaj. Edhe pse në atë situatë ai ishte thirrur në kombëtare nga tekniku italian Panucci dhe ishte aktivizuar.

Siç njofton edhe “gianlucadimarzio.com”, mbrojtësi i Kombëtares shqiptare ka firmosur me Virtus Entelan në Serinë B. Në foton e publikuar nga Italia, Aliji shfaqet bashkë me agjentët e tij. Nuk dihet nëse në këtë finalizim ka dorë trajneri i kombëtares, pasi kishte treguar gatishmërinë për të ndihmuar futbollistin sepse e vlerësonte shumë.