Kreu i Partisë Demokristiane, Nard Ndoka, thekson se kryeministri Rama dhe kreu i LSI-së, Ilir Meta, po tjerrin krizën politike, duke pasur interesa krejtësisht të kundërta dhe personale ndaj situatës aktuale. Ai thotë se ka dijeni se çfarë mendon Edi Rama, por jo se çfarë do të bëjë ai.
Ndoka thekson se mbi mendimet e Metës nuk ka askush informacion, por, sipas kreut të PDK-së, ky i fundit ndryshe nga Rama e di mirë se çfarë do të bëjë.
“Se çfarë mendon dhe çfarë do të bëje Basha, tashmë e dimë të gjithë, “qeveri teknike dhe zgjedhje të lira”! Çfarë mendon Rama e dimë të gjithë, por se çfarë do bëjë, nuk e di as vetë Rama! Çfarë mendon Meta nuk e di asnjë, çfarë do të bëjë Meta, e din vetëm ai! Politikë leshi, sa më shumë ‘tirrët’, aq më shumë ngatërrohet!”, shkruan në profilin e tij në Facebook, Nard Ndoka.
