Rafael Nadal nuk ndalet dhe një muaj nga triumfi në grand slemin e US Open, ka koleksionuar sot një tjetër trofe, atë të turneut të Pekinit, pas fitores 2-0 në finale ndaj australianit Nick Kyrgios (6-2, 6-1). Ky është trofeu i gjashtë sezonal për tenistin spanjoll, i 75-ti në karrierë për numrin 1 në botë, që tashmë shkon në kuotën e 9,800 pikëve, i shkëputur 2,300 pikë nga ndjekësi më i afërt, zvicerani Roger Federer, që nuk luajti në Pekin.
A 75th career title—and first in Beijing since 2005—for @RafaelNadal!
#ChinaOpen pic.twitter.com/bTYE5tBOnX
— Tennis TV (@TennisTV) October 8, 2017
Në Pekin, tenisti spanjoll realizoi një tjet ër mrekulli, duke konfirmuar se po kalon një formë të shkëlqyer, një vit magjik për 31-vjeçarin, që me shumë gjasa do ta mbyllë 2017-n në krye të renditjes. Finalja ndaj Kyrgios nuk pati histori, zgjati rreth 60 minuta dhe u dominua nga Nadal në të dyja setet, duke i fituar ato me shumë lehtësi. Kyrgios nuk arriti në asnjë moment të vërë në vështirësi Nadal, që feston me një tjetër trofe vitin e rilindjes.
