Në finalen e madhe të “Roland Garros” pritet të sfidojnë njëri tjetrin Rafael Nadal dhe Stanislas Wawrinka. Spanjolli siguroi sfidën përfundimtare të këtij turneu duke eliminuar në gjysmë-finale Dominic Thiem.
I pagabueshëm majorkeni i cili triumfoi pastër në 3 sete 6-3, 6-4, 6-0. Takimi nisi disi më mirë për austriakun, por 23-vjeçari nuk u tregua i vendosur dhe i saktë duke i dhuruar pikë një tenisti me shumë përvojë dhe që në sipërfaqen me dhe të kuq nuk mëshiron askënd.
Një gjysmë-finale e cila nuk ofroi aspak histori dhe u mbyll në vetëm 2 orë e 7 minuta e dominuar nga 30-vjeçari. Për Rafael Nadal, kjo është finalja numër 10 në Grand Slamin e Parisit.
Forma e tij deri më tani në këtë turne të rëndësishëm të tenisit botëror ka qënë në nivelet më të larta.
Përballë iberikut do të jetë një tjetër tenist që në sipërfaqen me dhe të kuq shfaq më të mirën e tij, Stan Wawrinka.
Shumë më emocionuese ishte gjysmë-finalja mes zviceranit dhe Andy Murray-t. 34-vjeçari arriti të realizonte një përmbysje të mrekullueshme, ku pas një dizavantazhi 2-0 me sete arriti me përsosmëri të përmbyste gjithçka duke siguruar finalen e “Roland Garros”.
Kjo përballje e cila pritet të jetë mjaft zfiduese do të zhvillohet të dielën në orën 15 : 00.
