Qentë e rrugës janë kthyer në një problem për banorët. Në Tiranë dhe jo vetëm, gjendja paraqitet mjaft serioze. Në shumë rrugë ka kope qensh që shëtisin të lirë.
Mjaft raste janë bërë publike në rrjetet sociale, ku qentë e rrugës kanë sulmuar kalimtarët. Duke jetuar në kushte të këqija dhe duke u ushqyer me mbeturina, ata bëhen bartës të shumë sëmundjeve të rrezikshme, të cilat mund të transmetohen edhe tek njeriu.
Qentë kanë pushtuar zonën e Malit të Robit. Qytetari bën me dije tek Olti Curri se kanë tre ditë, të cilët nuk po gjejnë qetësi, pasi qentë qëndrojnë pranë çadrave.
