Kitaristi indian ka përjetuar përvojën e jetëes së tij ndërkohë që po bëhej operacion në tru. Atij i është dhënë kitara për të luajtur, në mënyrë që mjekët të siguroheshin që çdo gjë po ecte mirë dhe nuk kishte asnjë problem.
Gjatë operacionit të vështirë, ku po trajtontë një crregullim të rrallë neurologjik, Abhishek Prasad iu dha kitara nga vetë mjekët. Para operacionit 37-vjeçarit kishte ngërç në gishtat e njërës dorë gjë që nuk e lejonte të luante në kitarë por pas 7 orësh ndërhyrje u shërua plotësisht.
“Gjatë gjithë operacionit Abhishek ishte plotësisht i zgjuar dhe po luante me kitarë, pasi ky problem vjen vetëm kur ai përpiqet të luajë,”-është shprehur doktori Sharan Srinivasan. “Reagimi i tij ishte shumë i rëndësishëm për të lokalizuar vendndodhjen e saktë të çrregullimit.”
Ndërkohë që kjo përvojë do të mbetet përgjithnjë në memorjen e kitaristit.
“Isha shumë i habitur që gishtat e mi përmirësoheshin në mënyrë magjike,”-tha Abhishek. “Deri në fund të operacionit gishtat e mi ishin shëruar plotësisht dhe mund ti lëvizja si më parë.”
https://www.youtube.com/watch?v=JByUnjzH_hE
