Në kuadër të 105 vjetorit të Pavarësisë së Shqipërisë, në Muzeun Historik Kombëtar në Tiranë është hapur ekspozita me emrin “Armë të mjeshtërve shqiptarë”.
Në këtë ekspozitë do të prezantohen punime në filigran dhe të praruara në ar.
Ajo përmban përmban 47 objekte: 21 kobure, 8 pushkë, 10 vezme, 2 harbi dhe 6 jataganë dhe do të jetë e hapur për vizitorët deri më 13 nëntor.
Armët ilustrohen edhe me fotografi, me anën e të cilave pasqyrohet puna artistike e armëtarëve shqiptarë.
Teknika e filigranit e përdorur për të zbukuruar armët vërteton se shqiptarët ishin mjeshtër në punimin dhe zbukurimin e armëve, të punuara me argjend, por edhe të lara me ar.
Në pavijonet e Muzeut Historik Kombëtar janë ekspozuar pushkë, kobure, vezme, harbi dhe jataganë.
