Murinjo foli pas fitores sot në transfertën e Konjaspor. Fenerbahçe ia doli, dhe pse me vështirësi, të triumfojë në rezultatin 2-3.
Tekniku i Fenerbahçes nuk u kursye në deklarata. Murinjo foli për ndeshje që vendosen para fillimit, duke thënë: “Skuadra ime nuk është perfekte, në fakt larg të qenit perfekt, por nëse ndeshjet do të luheshin normalisht si sot, ne do të ishim në një pozitë shumë të ndryshme. Jo vetëm ne, por dhe skuadrat poshtë nesh.
Skuadra ime ka shumë për të përmirësuar. Kjo është situata jonë, por siç thashë, historia e disa ndeshjeve është e shkruar para ndeshjes. Kjo vendos fatin e ligës sonë. Ne vazhdojmë të luftojmë siç bëmë sot”.
Aktualisht Fernerbahçe mban vendin e dytë. Në të parin ndodhet Gallatasaraji dhe për këtë akuzat indirekte janë në drejtim të tyre.
