Pushteti vendor, i cili po kalon një periudhë tranzitore për shkak të reformës territoriale vijon të aplikojë një censurë të fortë në lidhje me publikimin e vendimeve që merren nga Këshillat Bashkiakë.
Sipas monitorimit që ka bërë Ministria e Çështjeve Vendore vitin e kaluar në lidhje me zbatimin e reformës territorale u gjet se publikimi i vendimeve të këshillave bashkiake bëhet vetëm nga 14 Bashki prej 61 të tillave.
Gjithashtu asnjë nga njësitë e pushtetit vendor nuk publikon ecurinë e treguesve buxhetore vjetore me bazë tremujore dhe gjithashtu mungon tërësisht raportimi më zëra për realizimin buxheteve vjetore.
Procesi i monitorimit nga Ministria e Çështjeve Vendore vuri në dukje se ende nuk ka progres të dukshëm në lidhje me ngritjen e kadastrës fiskale.
Gjithashtu paraqitet emergjente përfundimi i Planeve të Përgjithshme Vendore dhe vazhdimi i mbështetjes për hartimin e planeve të mbetura brenda vitit 2017.
