PSG braktis ëndrrën e saj për të sjellë në ekip Lionel Mesin. Sipas ”Le Parisien”, kampioni 34-vjeçar argjentinas, i cili sapo ka fituar Copa America me Argjentinën, po negocion akoma me Barcelona-n për rinovimin e kontratës, që ka skaduar 30 qershorin e kaluar.
Klubi i Ligue 1, pasi ka bërë një sondazh me vetë lojtarin dhe përfaqësuesit e tij, duket se ka hequr dorë nga ideja për ta marrë në Paris.
Pasi ka realizuar ëndrrën për të fituar një trofe me kombëtaren e tij, Messi kërkon të përfitojë nga javët e ardhshme për të pushuar dhe për të qenë gati për sezonin e ardhshëm që do të vazhdojë të jetë me katalanasit.
