Përveç se në Tiranë, protesta studentore është shtrirë edhe në Elbasan, Korçë e Shkodër. Por, sot “Miss Universe Albania”, Trejsi Sejdini i ka dhënë një mesazh studentëve të qytetit të saj, Elbasanit.
“Shpresoj që të dëgjohet fjala e popullit dhe të procedohet në mirëqenien e vendit tim. Studentë, bëni çfarë është e mundur për të mposhtur çdo gjë që nuk ju duket e arsyeshme”, shkruan Trejsi.
Kujtojmë që modelja ndodhet në Tajlandë ku po shijon bukuritë e vendit atje, në pritje për mbrëmjen e madhe të “Miss Universe” që do mbahet pas disa ditësh.
