Gjetan Keta është rikthyer të jetë protagonist në kickboks, pas dy vjetësh luftë me një problem në “veshin e mesit” kërkon revanshin me kampionin interkontinental të IBF-së. Boksieri shqiptarë u përball rreth dy vite më parë me gjermanin Vincent Feigenputz dhe u mposht në duelin e titullit kampion.
Në atë sfidë Gjetani nuk ishte në 100% të formës së tij, pasi pak javë para se të zhvillonte duelin u diagnostikua me problem në “veshin e mesit” dhe nuk e anuloi përballjen. Një gjest prej kampioni të vërtetë, pasi të paktë janë ata që kanë rrezikuar dhe kanë dueluar me një problem të tillë.
Ai problem vijoi edhe më tej, 34-vjeçari fillimisht e pati të vështirë të stërvitej dhe për një kohë mjekët i’a ndaluan të boksonte sepse mund të rrezikonte shumë. Tashmë pas dy vitesh Keta është ringjitur në ring dhe nën përkujdesjen e trajnerit që është njëkohësisht vëllai i tij, Ismailit, ka rigjetur formën ideale.
Rikthimi pas një problemi të tillë në raste normale bëhet dalë nga dalë, ku fillimisht boksohet me kundërshtarë të nivelit të dytë dhe më pas zbret në një ndeshje të madhe. Vincent Feigenbutz ka një rekord të përsosur prej 28 fitoresh dhe asnjë disfate, megjithatë kjo duket se nuk e ka trembur aspak Ketën. Për momentin menaxherët e Feigebutz nuk e kanë pranuar ende ftesën, megjithatë Gjetani është aty, gati për t’u ngjitur në ring.
