Flamurtari është rikthyer te fitorja këtë fundjavë të Superligës pasi mundi me rezultatin minimal 1-0 Laçin në Vlorë, duke iu rikthyer objektivave për të kapur zonës europiane.
Në përgjithësi ishte një ndeshje e dominuar nga vlonjatët, që e nisën më mirë ndeshjen duke krijuar rrezik në dy raste me Bushic, por goli i vetëm i kësaj sfide do vijë vetëm 2 minuta para fundit të pjesës së parë.
Goli i Danilo Alveshit on Vidnews.
Danilo Alves provon të godasë nga distanca dhe gjuajtja e tij devijohet duke i dhënë një trajektore të pakapshme topit, teksa portieri Selmani e shikon të përfundojë në rrjetë pa mundur ta prekë.
Fillimi i pjesës së dytë është i zjarrtë për bregdetarët që fillimisht rrezikon me Kale, i cili gabon në fund edhe pse dribloi portierin por shkoi shumë afër vijës fundore dhe nuk arriti ta kthejë drejt portës. Një minutë më pas është Alves që bën një goditje akrobatike nga brenda zone por këtë herë është i pafat pasi topi përplaset në traversë.
Shtylla e Laçit on Vidnews.
Në fund sfida mbyllet me tension dhe polemika mes lojtarëve, të cilët u tensionuan pasi u hodh një top i dytë në fushë duke ndërprerë aksionin e kurbinasve. Me këtë tre pikësh skuadra vlonjate shkon në kuotën e 25 pikëve, një më pak se Laçi dhe thyen dominimin e rezultateve të fundit, ku më shumë ka fituar skuadra laçjane.
