Mourinho vs Guardiola/Diferenca shkon në dy, por portugezi…

Jose Mourinho dhe Pep Guardiola vazhdojnë të kenë një rivalitet të “zjarrtë” edhe pse tensionet mes tyre në fushën e lojës nuk janë të njëjta kur drejtonin Realin dhe Barcelonën. Humbja tronditëse e Manchester Unitedit të dielën kundër West Bromit ia dhuroi titullin e ligës rivalit Manchester Cityt, dhe me të Guardiola tani është vetëm dy trofe larg ta barazojë Mourinhon me numrin e përgjithshëm të trofeve të fituara në karrierë si trajner.Por Mourinho ka edhe një shans për ta çuar sërish në 3 diferencën e trofeve me teknikun katalan, pasi Manchester United është akoma në garë për të fituar FA Cup, por që duhet të eliminojë Tottenhamin të shtunën. Megjithatë, për të dy trajnerët, një ngushëllim i vogël është fakti se ata janë në mesin e trajnerëve më të dekoruar në histori të futbollit.Guardiola ka 23 të fituar, po aq sa edhe Giovanni Trapattoni, derisa Mourinho e ka numrin e njëjtë të trofeve si Luis Filipe Scolari (25). Para tyre janë vetëm Scot Jock Stein (26), Valeriy Lobanovskyi (30), Mircea Lucescu (32) dhe Sir Alex Ferguson (49).