Jose Mourinho ka vendosur veton e tij që mbrojtësi Mate Darmian të mos jetë pjesë e përfaqësueses së drejtuar nga Xhampiero Ventura për një prej ndeshjeve të qershorit.
Ndonëse klubi anglez nuk luan asnjë ndeshje deri në fillimin e fazës përgatitore për sezonin e ri, Mourinho ka penguar Darmian që t’i bashkohet grumbullimit me Italinë.
“Darmian nuk ka autorizimin nga Mançester Junajtid për t’iu bashkuar Kombëtares deri më datë 5 qershor. Duket një zgjedhje e çuditshme e tyre pasi futbollisti nuk luan që prej finales së Ligës së Europës. Por më duhet ta llogarit si mungesë edhe ndaj Uruguait”, deklaroi sot trajneri i Italisë, Xhampiero Ventura.
Italia luan miqësore kundër San Marino dhe Uruguait në ditët e para të qershorit, para se të zhvillojë ndeshjen e saj kualifikuese të Botërorit 2018 ndaj Lihtenshtejnit, më datë 11.
