Gara mes Cristiano Ronaldos dhe Lionel Messit, se kush është lojtari më i mirë në botë vazhdon në çdo kohë. Tashmë është bërë protagoniste edhe motra e yllit portugez, e cila ka vizituar “Museu CR7” gjatë pushimeve që po kalon në vendlindjen e saj, Funchal.
Katia Aveiro ka shkuar për të parë ndryshimet që janë bërë aty pas largimit të CR7 nga Real Madridi dhe kalimit tek Juventusi. Ajo ka ndarë një foto në rrjetet social ku ka dalë me një statujë të Ronaldos, por tashmë i veshur me bluzën e Juventusit dhe e shoqëroi atë me këto fjalë: “Më falni, djalosh, a mund të më thoni se ku është Torino? Mjafton vetëm të dihet se atje luan më i miri në botë”.
Postimi Katie mori shumë ‘like’ dhe u komentua si një mesazh indirekt në drejtim të Lionel Messit, duke vlerësuar vëllain e saj si më të mirin mes të dyve.
