Kim Yo-jong, motra e liderit koreano-verior, Kim Jong-un, ka kërcënuar Korenë e Jugut që të të ndalë shpërndarjen e fletëpalosjeve propaganduese në vendin e saj.
Përndryshe, Kim Yo-jong ka paralajmëruar se do të prishë marrëveshjen dypalëshe që redukton tensionet ushtarake.
Këto deklarata të saj erdhën pas fletë-palosjeve anti-Penian, që ishin dërguar në këtë vend në fillim të javës nga një grup i quajtur “Defektorët e Koresë së Veriut”.
Sipas agjencisë “Yonhap”, ato evidentonin kërcënimet nukleare të Kim Jong-un. Nga ana tjetër, “The Guardian” shkruan se mesazhet denonconin shkeljen e të drejtave të njeriut që bënte Korea e Veriut.
“Nëse një akt i tillë i qëllimit djallëzor i kryer para syve tanë lihet që të marrë rrugë nën pretekstin e “lirisë së individëve” dhe “lirisë së shprehjes”, autoritetet jug-koreane duhet të përballen me fazën më të keqe ndonjëherë. Autoritetet koreano-jugore do të detyrohen të paguajnë një çmim të shtrenjtë, nëse lejojnë që kjo situatë të vazhdojë duke u marrë me shfajësime”, tha motra e liderit koreano-verior në një deklaratë.
