Një i vdekur dhe një e plagosur është bilanci i rëndë i një aksidenti që ka ndodhur në Spille. Motori në të cilën udhëtonin këta dy shtetas ka dalë nga rruga, dhe më pas është përplasur me një shtyllë. Drejtuesi i mjetit ka ndërruar jetë në spital, ndërsa pasagjerja ndodhet nën kujdesin e bluzave të bardha.
“Më datë 02.08.2018, rreth orës 12:31, në fshatin Spille, mjeti tip motorr, me drejtues shtetasin E. A., dhe pasagjere shtetasen, V. I., ka dalë nga rruga dhe për pasojë është përplasur me një shtyllë.
Si pasojë e përplasjes, drejtuesi i motorit, shtetasi E. A., ka ndërruar jetë në spital, ndërsa pasagjerja, shtetasja V. I., ndodhet nën kujdesin e mjekëve.
Nga ana e policisë po punohet për sqarim të mëtejshëm të rrethanave të ngjarjes.
