Moti i keq ka përfshirë edhe Luginën e Preshevës. Shtabi i situatave të jashtëzakonshme në Preshevë njofton se ditët në vijim do të mbizotërojë një mot i ftohtë dhe me reshje të dendura bore.
Për këtë arsye, luten qytetarët e komunës së Preshevës që ditën e shtunë të bëjnë furnizimet e nevojshme për familjet e tyre, në mënyrë që kjo periudhe një javore, të tejkalohet më me lehtësi, si dhe t’i shmangin daljet e tyre të pa nevojshme në qytet apo vendbanime tjera, duke evituar kështu rreziqet që mund të paraqiten gjatë qarkullimit të tyre.
“Komuna e Preshevës ka bërë përgatitjet e nevojshme për të bërë pastrimin e rrugëve dhe hedhjen e kripës e rërës nëpër rrugët lokale, përmes subjekteve të cilat i ka kontraktuar enkas për këtë qëllim. Në rast të vonesave eventuale deri në pastrimin e rrugëve, paraprakisht kërkojmë mirëkuptim dhe durim, deri sa të vijë radha në rrugët e caktuara.
Në rast të paraqitjes së rasteve emergjente, familjarët luten të telefonojnë në telefonin kujdestar të ndihmës së shpejtë me numër 017 669 124, ndërsa për intervenime tjera në numrin e telefonit të Shërbimit të situatave të jashtëzakonshme pranë komunës së Preshevës 017 668 879”, shkruhet ndër të tjera në njoftimin e shtabit të situatave të jashtëzakonshme.
