Moti i keq ka shkaktuar një viktimë edhe në Greqi. Bëhet fjalë për një grua të moshuar, e cila u gjet e vdekur pranë një përroi në Keratea, një rajon 45 kilometra në juglindje të Athinës. Trupi i 66-vjeçares u gjet nga një makinë, ndërsa dy meshkuj që kishin qenë në makinë me të, nuk janë gjendur ende.
“Burri i saj dhe një burrë tjetër, të cilët ishin në të njëjtën makinë, janë raportuar të humbur që nga e enjte, kur kushtet e motit të keq mbizotëronin në zonë”, tha një zyrtar i policisë në kushte anonimiteti.
Prej një jave temperaturat në Greqinë qendrore dhe veriore kanë mbetur nën zero. Dëbora e madhe ka bërë që të ndërpriten shërbimet e transportit dhe fluturimet.
Shërbimi grek i mbrojtjes civile u ka bërë thirrje autoriteteve komunale të jenë në gatishmëri përpara një përkeqësimi të mëtejshme të motit të ftohtë, që pritet të godasë Greqinë të hënën.
