Sfida me Lazios dhe Interit do të luhet rregullisht edhe pse ishte në dyshim për kushtet e rënduara atmosferike. Sipas Radiosei, dy ekipet kanë marrë “ok” për të luajtur kështu që sfida e programuar për sot në stadiumin “Olimpiko” të Romës do të startojë në orën 20:30.
Pavarësisht nga shqetësimet në kryeqytet, rekomandimet e Bashkisë dhe Mbrojtjes Civile për të ndaluar udhëtimin e skuadrave për shkak të motit të keq, ka qenë Prefekti ai që ka dhënë dritën jeshile për këtë ndeshje.
“Nuk ka lajme të bazuara që ndeshja të shtyhet. Nuk ka prononcime të mëtejshme. Në këtë moment që jemi ndeshja do të luhet, dhe nuk ka nevojë për deklarata të tjera”, tha menaxheri i komunikimit në Lazio për mikrofonat e Radiosei.
