Pavarësisht motit të keq që përfshiu vendin disa ditë më parë, disa zona ende po përballen me pasojat.
Zona e Bulqizës vazhdon të përjetojë acarin e fortë që ka zgjatur më shumë se një javë. Temperaturat janë tepër të ulëta, duke arritur disa gradë nën zero.
Rrugët mbeten të kalueshme, megjithatë gjatë natës është e mundur të hasësh akull, pasi temperatura ka arritur deri në minus 10 gradë Celsius. Pavarësisht se rrugët janë kriposur, ngrica është e pashmangshme për shkak të krijimit të akullit, i cili vjen si pasojë e kushteve atmosferike.
Në dukje, mund të mendohet se ka pasur reshje dëbore, por ato janë ndaluar që prej fillimit të javës së kaluar. Pamja e krijuar është rezultat i lagështirës së vazhdueshme dhe erës së ftohtë që fryn në këtë rajon.
