Të gjithë pa përjashtim nuk i kemi marrëdhëniet e mira me gjumin. Ka nga ata të cilët flenë pak, sikundër ka edhe nga ata që flenë mbi 10 orë. Nëse mendoni se po shlodheni, këtu gaboheni.
Mjekët që janë marrë me studimet në këtë drejtim, thonë se të flesh më shumë se 8 orë në ditë, është e dëmshme. Kjo pasi rrit mundësinë e vdekjes nga sëmundjet e zemrës me 34%. Femrat janë të prirura të flenë më shumë sesa meshkujt, dhe kjo i bën më të rrezikuara.
Ndryshime me humorin
Njerëzit të prekur nga depresioni, flenë shumë. Gjumi i gjatë përkeqëson depresionin.
Probleme me peshën
Shumë studime kanë treguar se njerëzit që nuk flenë mjaftueshëm, janë më të shëndoshë. E njëjta gjë mund të thuhet me ata që flenë më shumë seç duhet. Kur fle, nuk je në lëvizje dhe për këtë arsye ka më shumë mundësi të shtosh në peshë. Duke fjetur, nuk djeg kalori.
Mund të sëmureni nga diabeti
Gjumi i tepërt mund të rrisë nivelin e sheqerit në gjak. Glukoza e lartë rrit rrezikun e diabetit. Truri nuk funksionon më si më parë. Nëse keni probleme me përqendrimin, atëherë ka mundësi që po flini më shumë se 8 orë në ditë. Fjetja e tepërt plak trurin.
Rrezikoni vdekje të parakohshme
Studime të shumta kanë treguar se njerëzit që flenë më shumë, janë më të rrezikuar nga vdekja e parakohshme. Kjo sepse diabeti dhe sëmundjet e zemrës njihen si shkurtues jete.
