22-vjeçari Noah Centineo është kthyer në idhullin e adoleshentëve në SHBA, kjo falë një komedie romantike. Roli i tij si Peter Kavinsky në filmin e NETFLIX “To All the Boys I’ve Loved Before”, ishte ai që i dha famën të riut.
Në rolet e tij, ai është gjithmonë shumë i ëmbël, aq sa ka fituar nofkën si i dashuri perfekt. Ai madje u jep edhe këshilla fanseve, si atëherë kur dikush e pyeti në Twitter: Si ta kaloj dhimbjen nga ndarja?
“Fokusohu te vetja. Nëse do dikë, dmth e do me të vërtetë, kjo nuk mendoj se do të largohet ndonjëherë. Por ajo që ndryshon është perspektiva që ke ti për lidhjen dhe dinamikat e saj”.
“Zbulo veten, bëj gjërat që të pëlqejnë. Ndihu i fuqishëm dhe i inspiruar, palestra, ngjitja në mal, meditimi, yoga, dhe shoqëria.
Me kalimin e kohës, do të zgjohesh një ditë dhe thyerja e zemrës nuk do të duket aq e keqe”.
