Rezultati i përgjithshëm i zgjedhjeve në Mbretërinë e Bashkuar mund të vonojë bisedimet e Brexit dhe të jetë negativ për ekonominë, kanë paralajmëruar agjencitë e vlerësimit të kreditit, Moody’s dhe S & P.
Bisedimet e Brexit me BE do të fillonin më 19 qershor, por Moody’s tha se fakti që Konservatorët kishin humbur shumicën e tyre, do të vonojë fillimin e bisedimeve.
“Humbja e shumicës nga ana e Konservatorëve, do të komplikojë dhe ndoshta do të vonojë negociatat e Brexit”, paralajmëroi Moody’s.
Moody’s tha se kjo gjithashtu mund të ushtrojë presion mbi financat publike të Mbretërisë së Bashkuar.
