Ish-ministri i Brendshëm, Flamur Noka, ka reaguar menjëherë me tone të ashpra ndaj ministrit të Jashtëm të Gjermanisë, Sigmar Gabriel, i cili i kërkoi opozitës që të linte rrugën e bojkotit, përndryshe integrimi i Shqipërisë në BE do të vështirësohet.
Noka nëpërmjet rrjetit social “Facebook”, e ka cilësuar deklaratën e Gabriel si rrjedhojë të keqinformimit nga zyrtarët shqiptar.
Për këtë arsye sipas Nokës, ai nuk mund t’i kuptojë qëndrimet e opozitës dhe kryetarit të saj.
Statusi i Nokës:
“Z Gabriel:
A keni ju 14% të parlamentit të mbushur me kriminelë, vrasës, trafikantë, përdhunues etj? Dhe të gjithë të jenë të përzgjedhurit e kryeministrit??? Unë jam i sigurt se jo… Këtu po.
A keni ju kryeministër të lidhur me krimin dhe që i shërben krimit dhe që ka shndërruar vendin në bazë të krimit të organizuar? Sigurisht që jo e as ia lejoni vetes ta mendoni e jo më ta bëni realitet.
A keni ju administratë të mbushur me kriminel?? Sigurisht që jo e as që mund ta mendoni?? Këtu qeveria e ka bërë realitet këtë gjë.
A keni normë ju atje blerjen e votës nga qeveritarët tuaj? Sigurisht që jo. Këtu po dhe e ke me zë dhe me figurë në çdo palë zgjedhje të pas 2013-ës.
A përdor qeveria juaj bandat dhe krimin e organizuar për të tjetërsuar me armë e dhunë vullnetin e popullit?? Sigurisht që jo.Këtu ka ndodhur në çdo palë zgjedhje që nga 2013 e deri më sot.
A keni ju ministër të brendshëm ushtar të krimit të orgnizuar dhe kryetrafikant droge? Sigurisht që jo.
Këtu po, sepse deri dje makina dhe skafi i tij përdoreshin për trafik droge nga trafikantët kushërinj të ministrit ..
A keni tani minstër të brendshëm një ish-hetues të Stas-it? Sigurisht jo, por këtu po.
A keni ju sot një Gjermani të lulëzuar nga droga e mbjellë nga bashkëpunimi qeveri-krim? Sigurisht jo.
A përdoren në vendin tuaj nga qeveria miliardat e eurove të drogës për të mbajtur në pushtet qeverinë tuaj nëpërmjet blerjes së votës?? Sigurisht jo. Në vendin tonë janë përdorur në të gjitha zgjedhjet e pas 2013-ës.
Ndaj dhe ti nuk mund ta kuptosh opozitën dhe kryetarin e saj.
Informoju z.ministër kur të vish herën tjetër ose minimumi mos lejo të të keqinformojnë…”
