Pas anulimit të testimit të policëve që konkurruan për gradën “komisar”, ka nisur hetimi për zëvendës drejtoreshën e përgjithshme të Policisë së Shtetit, Aida Hajnaj. Kjo e fundit ka qenë në krye të komisionit që monitoroi testimin. Pas rezultateve, Veliu vendosi anulimin dhe ritestimin e policëve duke qenë se u zbulua se ata kishin kopjuar.
Ndërkohë, Shërbimi për Çështjet e Brendshme dhe Ankesat ka nisur hetimet për Hajnajn.
Testimi ishte vendosur për t’u përsëritur ditën e sotme, por për shkak të nisjes së hetimeve është shtyrë për një datë të pacaktuar.
Kanë qenë 420 oficerë policie që konkurruan për gradën “Komisar”, ku një pjesë e tyre dyshohet se kopjuan duke marrë më herët tezën.
