Deputetja e Partisë së Lirisë, Monika Kryemadhi ka ndarë këtë të hënë një fotografi me bashkëshortin, politikanin Ilir Meta. Ajo shkruan se ndodhen në Sarandë dhe do të presin si çdo vit, të rinjtë e PL në kampin e Jalës.
“Mirëmëngjes nga Saranda! Takohemi sot me të rinjtë e LRI në Kampin e Jalës”, shkruan Kryebashki mbi fotografi, ndërsa shkrimin e shoqëron dhe me një emoji (figurë) me zemër të kuqe.
Ky postim i Monika Kryemadhit vjen një ditë pas lajmeve se Ilir Meta ishte duke pushuar në një nga resortet luksoze të Greqisë, në ishullin Skiathos. Madje, raportohej se çmimi mesatar i një dhome në hotelin ku ai ishte akomoduar shkonte në rreth 630 euro.
Mirëpo, kjo fotografi e sotme duket se i vë “vulën” aludimeve dhe ndoshta Kryemadhi e ka shpërndarë jo pa qëllim. Edhe më herët, Ilir Meta ka ndarë një foto nga bregdeti i kristaltë i jugut dhe uron javë të mbarë.
Prej 17 Gushtit, Meta ka qëndruar larg konferencave të shtypit nga selia e Partisë së Lirisë dhe duket se ka vendosur të largohet për pak kohë nga politika, për të shijuar pushimet me familjen. Ndërsa tashmë, siç është traditë prej vitesh të rinjtë e PL mblidhen në Jalë.
