Momente tmerri për ish-futbollistin e njohur Ashley Cole. 39-vjeçari, u sulmua nga një bandë hajdutësh të maskuar në shtëpinë e tij, të cilët e lidhën në karrige dhe më pas i vodhën sende me vlerë të majme.
Mediat britanike raportojnë se hajdutët u futën duke u depërtuar në pjesën e pasme të ndërtesës. “Ishte një përvojë e tmerrshme. Grabitësit duhet të kenë qenë profesionistë dhe e dinin saktësisht se çfarë bënin. tha një burim i “The Sun”.
Disa fqinjë konfirmuan se ishin marrë në pyetje nga policia në lidhje me grabitjen, tekasa hetimet po vazhdojnë.
Cole u tërhoq nga futbolli i luajtur sezonin e shkuar, teksa e mbylli karrierën e tij te skuadra e Derby County. Gajtë karrierës së tij, ish-mbrojtësi, numëron 508 aktivizime në rang klubesh dhe 107 me kombëtaren e Anglisë. Arsenal, Crystal Palace, Chelsea, Roma, Los Angeles Galaxy dhe Derby janë klubet ku ai u aktivizua.
