Shefja e diplomacisë evropiane , Federica Mogherinit, ka deklaruar se pas referendumit të shkëputjes së Britanisë së Madhe, Evropa ka premisat e zgjerimit dhe jo të tkurrjes së numrit të shteteve të BE-së.
Ajo shpreh, se vendet e Ballkanit janë duke negociuar hyrjen në Bashkimin Evropian.
“Unë jam e sigurt se e ardhmja e bllokut nuk do te jetë 27-ta, sepse do të kemi vende të reja anëtare. Mendoj për shtetet e Ballkanit, me të cilat jemi duke negociuar hyrjen në Bashkimin Evropian. Shumë i referohen këtij procesi si zgjerim, unë vetë preferoj të flas për ribashkim të Evropës”, thotë ajo.
Ndërsa lidhur me raportet e fqinjësisë në këtë rajon, anëtarësimi i Serbisë, Malit të Zi dhe Kosovës mund t’i ndihmonte të kapërcenin problemet e fqinjësisë.
