Real Madrid dhe Sevilla po përballen në ndeshjen e vlefshme për javën e 20-të të La Liga-s, ku madrilenët kanë kaluar në avantazh. Ishte Casemiro që ka shënuar një eurogol nga distanca dhe ka kaluar në avantazh vendasit e Solarit.
Pjesa e parë është mbyllur me ankth për Realin, pasi tetë minuta para përfundimit të 45 minutave të para ka ardhur një përplasje e frikshme mes Luka Modric dhe Franco Vazques. Të dy lojtarët kanë patur nevojë për ndërhyrjen e mjekëve pas të çarave të pësuara në kokë. Fatmirësisht, nuk është bërë fjalë për një dëmtim serioz, duke parë se të dy lojtarët kanë vazhduar ndeshjen.
